• Irteerak klubeko bazkide ez diren pertsonentzat ere irekita daude, baina kasu horretan prezioa garestixeagoa da.

• Istripuen aurrean erantzukizuna: Irteera bakoitza proposatu eta gidatzen duen antolatzaile bat egon arren, segurtasuna lehenesten saiatzen dena, parte hartzaile bakoitzak web orrian  adierazten den material egokia eramateaz arduratu beharko du, baita zalantzak galdetzeaz,  beldurrak adierazteaz zein informazio edota arreta bereziren bat eskatzeaz ere. Inork antolatzailearen argibideei kasu egin ezean, antolatzaile horren erantzukizunetik kanpo geratuko da. Sarritan mendira joaten bazara, federatzea oso komenigarria da; eta horretarako, mendi klub batean izena eman behar da. Horren guztiaren gaineko informazioa emango dizugu gustura asko.

• Izena ematearen itzultzeak: Web orriko "Izena emateko azken eguna" atalean adierazitako eguna eta ordua baino lehen eskatzen bada, izena ematearen dirua itzuli ahal izango da. Halere, ostatuaren batean erreserba egingo balitz, horren zati proportzionala deskontatuko litzateke. 

• Garraioa: 20 pertsona gutxienez baldin badaude, autobusez joaten saiatuko da, kostu ekonomikoa zein den norakoaren eta egunen arabera. Ezinezkoa bada, ibilgailu partikularretan joango gara, eta borondatezko gidariei 0,30 euro km-ko gehi bidesarien kostua ordainduko zaizkie.

• Joan-etorrian gertatzen diren gorabeheren aurrean erantzukizuna: Borondatezko gidari batek bere autoan kaltea izaten badu, eta arduragabekeriagatik ez bada, kalteak ordainduko zaizkio. Zati bat irteeran parte hartzen duten pertsona guztien artean ordainduko da, zein autotan doazen alde batera utzita, hori kasualitatea baita; izan ere, zein autotan joaten den kasualitatea da eta batzuetan pertsona eta materiala ibilgailu ezberdinetan joaten da. Beste zatia Klubak hartuko du bere gain, eta Klubeko Batzordeak erabakiko du ordaindu beharreko kopurua.

• Autobusez egiten diren irteera ofizialetara ezin da txakurrik eraman: Partehartzaileen kotxeetan egiten diren irteera ofizialetara eraman daitekeen ala ez, irteera prestatu eta gidatuko duen pertsonak erabakiko du; beti ere, irteeraren ezaugarriak eta izena eman duen pertsona kopurua kontuan hartuta. Partehartzaileen kotxeetan egiten diren irteeretan txakurrak joan ahal izango dira, baina lotuta. Hala ere, irteera bakoitzean aukera egongo da txakurra solte eramateko baimena eskatzeko, baina denek onartu beharko dute.

Materiala alokatzeko arauak:

Materiala alokatu ahal izateko, beharrezkoa da Goiena Klubeko bazkide izatea. Materiala bazkideek bakarrik erabiliko dute eta erabat debekatuta dago klubeko bazkide ez den pertsona bati uztea, kasu horretan bazkideak Zuzendaritza Batzordeak erabakitakoari eutsiko dio.

Alokatzeko ordutegiak: asteazkenetan 19:300etatik 21:30era.

Bazkideak materiala aztertuko du,  maileguan hartu aurretik; horrela, akatsen bat egonez gero,  akats hori egozten saihestuko du. Aurkitutako akatsak erregistro-liburuan jasoko dira.

Alokatzeko materialak, prezioak eta gehieneko denbora:

Elurra

• Pioleta: 1 € aste bat,; 1,5 € bi aste
• Elur pala: 1 € aste bat
• Kranpoiak: 1 € aste bat, 1,5 € bi aste
• Erraketa: 1 € aste bat

Arroilak:

• Arroila-motxila: 1 € aste bat

Ferratak:

• Ferratak egiteko disipadorea: 1€ aste bat
• Kaskoa: 1€ aste bat
• Arnesa: 1€ aste bat
• Jumar: 1€ aste bat

Akanpada:

• Kanpin-denda: 2 € aste bat, 3 € bi aste

Materialaren maileguaren prezioa materiala hartzen den unean ordaindu beharko da.

Mailegua erregistro-liburuan jasota geratuko da, materiala hartzen duen bazkidearen sinadurarekin eta datuekin.

Bazkidea materialaren erantzulea da, eta horrek eragindako kalteen kostuak ordaintzera behartuta dago.

Ezarritako egunean materiala ez entregatzea, zigor gisa maileguaren kuota bider bi ordaindu beharko da zigor gisa. Gauza bera behin eta berriz errepikatzeak hurrengo eskaeretan materiala ez ematea ekar dezake.

Materiala galtzeak material berriaren balioaren %50 ordaintzea dakar.

Arau hauetan aurreikusi ez den guztia Material Arduradunak ebatziko du eta muturreko kasuetan Klubeko Zuzendaritza Batzordeak.

Klubak ez du bere gain hartzen erabilera desegokiaren ondorioz gerta daitezkeen istripuen erantzukizuna edo material hori erabiltzeko bazkideen ezagutzarik eza.

Gogoan izan, materiala egoki erabiliz gero, ondoren erabiltzen dutenek ere seguru egongo direla..

• Charla sobre uso del GPS del móvil con la app OruxMaps (PDF)
• Tracks de rutas de montaña y esquí de travesía

Goiena Mendi Taldea noiz sortu zen jakiteko, 40ko hamarkadaren bukaerara egin behar

dugu atzera.

Orduko Gasteizko prentsak aipatu zuen elkarte berri bat sortu zela,... —kronika idatzi

zuenak esan zuenez— batez ere mendi talde bat zen, nahiz eta mendizaletasunaren kirol

izaera baino haratago joan (...). Mendi taldearen ikurra kirol itxurakoa da guztiz, irudia

bitan zatituta dago zeharretara, eta goranzko norabidea hartzen du, gailurraren goialdean

eta zeru zabalean itsatsiz bezala bere jomuga infinitua.

Esanahiari erreparatzen badiogu, “Goiena” izenak (goi-en-a) goren dagoena esan nahi

du, eta mendirik garaienetara igotzeko grina islatzen du.

Mendi taldearen sortzaileak Ekintza Katolikoko gazteak ziren garai hartan, eta haien

ustez kirola bizitzeko modu bat zen gazteentzat. Sasoi hartan bilerak Ekintza

Katolikoaren egoitzan egiten zituzten, txangoak antolatzeko edo bertako talde

artistikoaren antzezlanak ikusten gozatzeko, batez ere neguan.

Goiena Mendi Taldea 1947ko udazkenean sortu zuten, eta hasiera-hasieratik izan ziren

oso garrantzitsuak kirol jarduerez gain, ekintza kultural ere, batez ere, mendi taldearen

baitan eratu eta sendotzen ziren esparru berriei esker. Esate baterako, mendi lehiaketak

antolatzen zituzten, ibilaldi arautuak, kirol txapelketak, erakusketak, antzezlanak eta

abar. Baina, taldea ahultzen hasi zen poliki-poliki, eta 1957an desagertu egin zen betiko.

Goiena guztiz geldirik zegoela, Gasteizko zenbait parrokietako —tartean San Vicente

eta San Pedro— gazteek taldea berpizteko gogoa agertu zuten, izena aldatuta, ordea.

Baina, federatzeko zailtasunak zeudenez, eta legeztatzeko izapideak ere nekezak

zirenez, proiektua bertan behera geratu zen, harik eta 1960an Espainiako Mendi

Federazioak baimena eman zuen arte Gasteizko San Vicente parrokiako Excelsior O. A.

R. taldea eratzeko. Edozelan ere, ekimenak ez zuen aurrera egin, eta bi urte orduko,

elkarte berri hori guztiz desagertu zen.

Gerora, Goiena taldeak hainbat urte zeramala jada federaziotik kanpo, Gasteizko

parrokietako gazte batzuek Goienaren bigarren garaiari ekin zioten 1965aren bueltan.

Bigarren aldi honetan parrokiak eta auzoak indarra hartzen ari ziren eta parrokia

bakoitzak bertako gazte taldeak zituen antolatuta eta jarduerak egiteko autonomiarekin.

Parrokietako gazte taldeek garrantzia handia hartu zuten urte horietan, batez ere

Gasteizko elizbarrutiak lan handia egin zuelako horiek bultzatzen. Egoera horretan sortu

zen elkartzeko premia, bereziki mendi irteerak koordinatzeko eta izen bakar batekin

federatzeko: Goiena Mendi Taldea. Hasierako elkarteak Uhaska Zaharreko kaleko La

Blanca elkartean egiten zituen bilerak, baina berehala ikusi zen talde askotako mendiko

sekzioak desagertu egiten zirela eta beste berri batzuk sortu. Eta horretan zebiltzala,

1972ko urte amaieran taldearen egoitza Adurtzara lekualdatu zuten, eta handik

koordinatzen zituzten haur eta gazteen jarduerak. 1977an Goienak hamaika elkarte

ordezkatzen zituen eta 478 federatu zituen, oso kopuru adierazgarria Arabako

mendizaletasunari dagokionez.

Geroago, 1978ko apirilaren 20an Goienaren egoitza Asisko San Frantziskoren

parrokiara aldatu zen, eta orduan hasi zen Goienaren hirugarren eta azken aldia. Sasoi

horretan parrokietako talde askok utzi egin zioten Goienako kide izateari, eta

zuzendaritza taldeak behin baino gehiagotan pentsatu zuen mendi jarduera bertan behera

uztea.

Arabako Mendi Federazioak bultzatuta eta taldeak haur eta gazteen esparruan zuen

esperientzia aintzat hartuta, Goienak erabaki zuen Gasteizko iparraldeko ikastetxe

batzuetako guraso elkarteetara jotzea, eta jarduera proiektu bat eramatea, eta horietako

bat zen ikasleen artean mendiko kirola eskaintzea. Antolakuntza lanetan San Ignazio

mendi taldeko mendizale batzuen laguntza zuten. Ikasleekin antolatutako

lehenengoetako txangoa 1979ko urte amaieran egin zuten, eta hortik aurrera Goienak

etapa berri bati ekin zion, 80ko hamarkadaren bukaera arte iraungo zuena. Izan ere,

gazteekin egiten zuten lanari segida emateko, Goienak eta San Ignaciok mendi talde bat

eratu zuten elkarrekin: “Amigos en el monte” izenarekin, eta talde horren bidez era

askotako jarduera antolatu zituzten gaztetxoentzat.

Eta, hain zuzen ere, 80ko bukaera horretan Goienako gazte talde bat geratu zen eskola

giroko ekintzetatik kanpo, adinagatik. Eta orduan taldeak gonbidapena egin zien gazte

horiei bertan geratzeko modu aktiboan. Eta txangoak egiten hasi ziren Euskal Herrian

zehar, inguruko probintzietan, Pirineoetan, bai eta beste hainbat mendigunetan ere. Hasi

ziren mendi txangoak era formalagoan antolatzen, profilak, norabideak eta denborak

kalkulatzen, eta goi-mendian hiru egunetako ibilaldiak egiteko antolakuntza logistikoa

menperatzen... Gazteok antolakuntzan ardurak hartzen hasi ziren poliki-poliki, eta

zuzendaritza batzordean karguak hartzen ere bai.

Bazkide aktiboei esker, Goiena Mendi Taldea ekintza gogoangarriak egiten hasi zen

mendizaletasunaren inguruan, Pirineoetan eta Alpeetan batez ere; eta aldi berean,

mendizale gazteei zuzendutako zenbait ibilbide-programa ere jarri zituzten abian.

1993ko irailean Goiena Mendi Taldeak 150 bazkide zituen, eta egoitza

Mendizorrotzako pilotalekura aldatu zuen. Urte horretan egin zen Julio Garcia

Memoriala estreinako, mendi istripu batean zendutako mendi taldeko lehendakariaren

omenezko iraupen-ibilaldia.

Igarotako denboran Goienak hiru aldi edo une ezagutu ditu, desberdinak, baina

hiruretan izan dira ardatz mendizaletasuna eta gazteak.

Egilea: José Antonio Gil García

Transkripzio informatikoa eta laburpena: Gorka González Fernández

Rural Kutxarekin berriztu dugun lankidetzari esker, Goiena Mendi Taldeko bazkide guztiek 2026 denboraldian 50 €-ko laguntza lortzeko aukera izango duzue. Horretarako Rural Kutxan kontu korronte bat izan beharko duzue, edo kontu korronte berria ireki. Erantsian aurkituko dituzue abantaila guztiak (deskargatzeko esteka).

Sustapen honek 2026ko ekainaren 30era arte balio du eta zuen Rural Kutxako bulegoan eska dezakezue.

Dena den, hemen duzue erreferentziazko bulegoaren harremanetarako datuak:

OFICINA 0189 – CORONACIÓN

Calle Coronación de la Virgen Blanca, 11, Vitoria – Gasteiz

945 215 158

Oficina.0189@ruralkutxa.com

Goiena mendi kluba

CIF: G01147578

Helbidea: Estrasburgo kalea 17, behea. 01002 Vitoria-Gasteiz (Araba)

Posta elektronikoa: goiena@goiena.org

Webgunea: www.goiena.org

Eusko Jaurlaritzaren Kirol Erakundeen Erregistroko zenbakia: CD0000530

Ikusi pribatutasun-politika eta cookie-ak